100% nohalteg Kleeder an Accessoiren

Lokal a sozial Produktioun

Eenzegaarteg an individuell Kreatiounen

Vill Informatiounen an Tipps

Dat Wichtegst op ee Bléck

BENU COUTURE ass e professionelle Schneideratelier mat lokaler Produktioun zu Lëtzebuerg, Esch/Uelzecht. Geléiert Schneider:inne mat jorelaanger Erfarung entwerfen a bitzen eis Kreatiounen. Gläichzäiteg dréit BENU COUTURE zur sozialer Integratioun bäi a bitt Aarbechtsplaze fir Leit un, déi um Aarbechtsmaart benodeelegt sinn an déi spezielle Schutz brauchen.

Déi handgemaachte BENU Kreatioune ginn op der Plaz, am Schneideratelier entworf an a verschiddene Variante produzéiert. Fir d'Produktioun ginn exklusiv Stoffer vun ënnerschiddleche Second-Hand Kleeder an Textilie benotzt. Dowéinst ass all Kleedungsstéck eenzegaarteg, en "Unikat"! Du kanns individuell Kreatiounen, déi aus Dengen eegene Liblingskleeder oder Stoffer hiergestallt ginn, am BENU Shop zu Esch/Uelzecht an Optrag ginn.

Déi stänneg Progressioun vun der Fast-Fashion-Moudebranche verursaacht vilfälteg Ëmweltschied a sozial Problemer. Am meeschte betraff sinn d'Ëmwelt an d'Mënschen an de Produktiounslänner, ausserhalb vu Lëtzebuerg an der europäescher Unioun. BENU COUTURE wëll opklären an alternativ Handlungsméiglechkeeten ervirhiewen.

• • All Kleedungsstéck an Accessoire ass eenzegaarteg • Du kriss eng Garantie op d'Veraarbechtung vun de BENU Kreatiounen • Du bezils BENU COUTURE de reelle Wäert vun der Aarbecht: 1 Aarbechtsstonn = 30 € • D'BENU Kreatioune kriss Du och direkt am Shop vum BENU VILLAGE zu Esch/Uelzecht • Besëtzer:inne vum Kulturpass kréien eng Remise